2025 жылғы 10 желтоқсанда Қазақстан Республикасы Жоғары Сот Кеңесі жанындағы Сот төрелігі академиясы Түркі желісіне төрағалығы шеңберінде Жоғары Сот Кеңесінің 10 жылдығына орай «Адам құқықтарын қорғау және тиімді сот төрелігі: ұлттық дәстүрлер мен халықаралық стандарттардың теңгерімі» тақырыбында Халықаралық форум өткізді.
Іс-шара жұмысына Республикалық нотариаттық палатаның атқарушы директоры Гүлнара Оразқызы Рыспекова қатысты.
Форум барысында адам құқықтарын қамтамасыз ету, сот төрелігі тетіктерін жетілдіру, сот институттарының тәуелсіздігін нығайту, сондай-ақ ұлттық құқықтық дәстүрлерді қазіргі халықаралық стандарттармен үйлестіру мәселелері талқыланды. Түркі құқықтық кеңістігі аясындағы мемлекетаралық ынтымақтастықты кеңейтуге ерекше көңіл бөлінді.
Республикалық нотариаттық палатаның форумға қатысуы ЖСК жанындағы Сот төрелігі академиясымен әріптестік қатынастарды дамыту контексінде ерекше маңызға ие. Естеріңізге сала кетейік, 2025 жылғы 14 шілдеде РНП және Сот төрелігі академиясы білім беру және ғылыми-зерттеу қызметі саласындағы ынтымақтастық туралы Меморандумға қол қойды, онда құқықтық салада біліктілікті арттыру және ғылыми әлеуетті дамыту бойынша бірлескен жобаларды іске асыру қарастырылған.
Сонымен қатар, қатысушылардың баяндамаларында Түркі әлемі елдерінің кәсіби интеграциясын нығайтудың маңыздылығы атап өтілді. 2023 жылғы 5 қазанда Анкарада Түркі әлемі елдерінің нотариустар одағын құру туралы Меморандумға қол қойылды, бұл халықаралық өзара іс-қимылды кеңейтудегі маңызды қадам болды.
Республикалық нотариаттық палата форумды ұйымдастырушыларға алғысын білдіреді және Қазақстан Республикасының Жоғары Сот Кеңесін 10 жылдығымен құттықтайды, тиімді, әділ және адам құқықтарын қорғауға бағдарланған сот төрелігін нығайтуда одан әрі табыстар тілейді.
